知名度不俗嘅田二少喺九西參選，惹嚟唔少人攻擊，至少兩位女性對手鼠王芬同毛姨姨日日追住佢嚟打，相信都係佢太有威脅之故。有匿名讀者噚日就去信本報，話田二少喺佢公司G2000內用電郵招募選舉義工，佢嘅下屬仲要求每個部門都交人，即係用壓力叫人助選，令員工好不滿喎。
田二少澄清個電郵係人力資源總監上個星期發出，根本唔係佢指示兼且要求嘅，事實上佢自己都已經搵齊義工，人數都夠晒數，毋須勞煩員工出動。
如果有同事自願想助選嘅話，田二少話自然好歡迎，但希望呢啲同事唔好喺佢拉票嘅地方出現，因為佢唔想見到邊啲同事有幫手，邊啲又冇，唔想因此造成壓力喎。