李八方online︱警察矜貴啲？袁國勇僅戴口罩闖麗晶 差佬全副裝備包到冚
蘋果日報 2020/12/10 22:30
袁國勇麗晶花園防護衣武漢肺炎
疫情持續爆發下，九龍灣麗晶花園淪為疫區，港大微生物學系講座教授袁國勇、衞生防護中心總監黃加慶今朝去完麗晶花園第6座視察後，就決定將全幢D單位住戶撤離到隔離營。政府梗係立即安排撤離，警方都出動約20名警員到場協助。
不過八方就發現，當袁國勇同黃加慶今朝只係戴咗一個外科手術口罩就「殺入」麗晶花園第6座嗰陣，香港警察竟然着晒成套高防護力嘅「Tyvek」白色防護衣，仲有面罩、外科口罩，就連對鞋都有層膠包住，果然「錫身」！睇返我哋前線嘅醫護人員，只係得一個藍色頭罩、一個面罩，再加一件薄薄的防護衣，連膝頭哥都遮唔住。驟眼咁睇，連八方都分唔清邊個先係最有「風險」嗰個。
當袁國勇同黃加慶今朝只係戴咗一個外科手術口罩就「殺入」麗晶花園第6座嗰陣，香港警察竟然着晒成套防護衣，仲有面罩、外科口罩，就連對鞋都有層膠包住，果然「錫身」！
唔係話警察「錫身」着晒防疫裝備唔啱，但資源錯配似乎是特區政府嘅特色喎！
翻查返啲資料，喺2月份嗰陣，青衣長康邨康美樓07單位居民都需要即晚緊急撤離，當晚唔少到場嘅警員都着咗全套PPE防護裝備，裝備高級過班醫護，惹起熱議；但港府之後就喺「添馬台」Facebook專頁發文話，坊間有人單憑一兩張相片就斷言警務人員「錫身」，仲話警察喺執勤時裝備有守則參考。
唔係話警察「錫身」着晒防疫裝備唔啱，但資源錯配似乎是特區政府嘅特色喎！
-----------------------------
《蘋果》英文版免費試睇：了解更多
-----------------------------
支持蘋果深度報道，深入社區，踢爆權貴，即Like蘋果專題及調查組FB專頁！