信置(083)老闆黃志祥出名勤力，凡事親力親為，原來佢仲有一個偏好，就係鍾意賣樓嘅同事着鮮色衫或戴鮮色領帶去賣樓，望落醒神兼好意頭，賣樓都容易快趣清袋。佢三位公子--長子黃永光(Daryl)(左二)、二子黃永龍(David)(右二)同細仔黃永耀(Alex)(右一)當然聽話，今日落新盤售樓處巡視時，亦全部戴紅色與橙色呔。

講起都幾有趣，黃志祥平時多數戴深沉色嘅領帶，但就希望同事穿戴鮮色衣物去賣樓，佢覺得鮮色衣物加埋靚笑容，幫到銷情。信置最近推售將軍澳一個大型新盤，營業部高層田兆源與朱美儀就真係每日都係男嘅紅色呔、女嘅紅色外套。

詳情請留意明天「中環在線」