吳雨霏（Kary）今年6月網球王子老公洪立熙誕下囝囝Asher，產後專心湊仔嘅佢不時喺社交網站貼相講吓近況，今日Kary貼出一家三口全家福，原來Asher已經半歲大！相中洪立熙抱起Asher，Kary將Asher手仔摸落爹哋塊面，成個畫面好sweet。

Kary以全英語留言，佢提到囝囝嚟到呢個世界已經6個月，更顛覆咗佢哋兩公婆嘅生活，每日佢都好感恩上帝畀咗份咁完全又珍貴嘅禮物自己，仲話自己好愛囝囝。Kary指囝囝在過去6個月中，成為自己最好的老師，因為為人母很困難，更將自己的弱點曝露，又將自己的極限推得更遠，但Kary指囝囝教咗好多佢無法想象嘅嘢。

Kary話自己唔會係個完全母親，亦永遠都唔會係，但佢會為囝囝做到最好，最後佢仲多謝囝囝，話囝囝係自己「老友」。

見Kary一字一句都好有感受，睇嚟呢6個月嘅湊仔生活真係俾咗佢好多學習嘅機會，唔知佢幾時會生多個，又「學」多一次嘢咁呢？

精選娛聞，喺晒《娛果》
http://fb.com/appledailyent