該泛民中人指，一旦進入談判皆段，「泛民團結、共同進退、唔好自己人打自己人先最重要」，泛民也明白，「太硬就冇得傾，太軟就俾人砌」，故要步步為營，「行錯半步都唔得」。就以昨日泛民聯署否決不符合國際標準政改方案為例，一方面不提公民提名，「為談判留一啲空間」，但另一方面堅持要符合國際標準政改方案，「呢個符合上次全民投票民意訴求，好難話泛民妥協」。
更重要是聯署有綑綁作用，令泛民各黨共同進退，沒有人會「離隊」，「只要方案符合國際標準，泛民就支持，冇得有人話唔係公民提名，自己走去投反對票；同樣只要不符合國際標準，就一定要否決，否則就係出賣市民」。
《蘋果》記者