韓國金牌編劇金恩淑捧紅唔少男女神，當中神劇《太陽的後裔》就撮合宋仲基跟宋慧喬，雙宋更將於下月31日結婚。

金恩淑今日出席於東大門舉行嘅座談會，當被問到雙宋係唔係因為金恩淑筆下嘅甜蜜台詞而撻着時，金恩淑笑言：「唔係更應該問宋慧喬嗎？不過宋慧喬有講過，係劉時鎮呢個角色改變咗宋仲基。」

金恩淑又表示：「宋仲基本來性格好男人，但依家變得更甜蜜，現時係最好嘅模樣，二人真係美好嘅一對，我非常恭喜佢哋。」

另外，金恩淑又提到孔劉係拒絕得佢最多次嘅演員，不過二人終於喺《鬼怪》中合作，金恩淑大讚孔劉真係一個好好嘅演員。