當年今日
關於我們

【戲外好老友】《雲畫》深情男鄭振永大談朴寶劍:好想照顧佢

蘋果日報 2016/09/26 18:30

朴寶劍B1A4金裕貞雲畫的月光鄭振永

韓國男團B1A4隊長鄭振永唱而優則演,近期喺人氣韓劇《雲畫的月光》中飾演默默守候女主角金裕貞嘅男配角,成功令人留意。日前鄭振永為雜誌拍攝新相並接受訪問,當中亦有提到《雲畫》男主角朴寶劍,認真老友。
雖然喺劇中鄭振永同朴寶劍喺情敵,不過戲外嘅佢哋感情非常好:「《雲畫》嘅拍攝現場氣氛好融洽,亦因為一眾演員年紀相若,所以諗法都好相似,溝通上都有好多同感。特別係見到寶劍時就特別想照顧佢,平時同佢一齊時都好開心,所以拍攝時都配合得好好。」對於劇中嘅角色,鄭振永亦表示:「之前對女人完全冇興建,唯獨畀洪樂瑥(金裕貞飾)嘅魅力吸引,係一個純情男嘅角色。」