前排晚晚捱眼瞓，追黃子華套《絕代商驕》，不過套劇已經播完，好驚見唔到子華神做戲？fans們又唔使咁擔心，因為子華神出年就有賀歲片上畫。

今次呢套《乜代宗師》，由黃子華自導自演，仲有劉心悠做女主角，睇翻紀錄，對上一次黃子華拍賀歲片，已經係上年農曆年套《楝篤特工》，票房有成4千4百萬港元。

唔知係咪有壓力，壹仔呢日見到子華行街，好似無乜精神，有啲披頭散髮咁，仲要戴埋口罩，好似好多嘢諗喎，子華神！保重身體呀！

其實子華又唔使咁擔心嘅，不如睇睇出年嘅港產賀歲片陣營先，首先有黃百鳴套《家有囍事2020》，基本上除咗戲名同黃百鳴有份做之外，已經面目全非，今次就由張智霖、張繼聰同周秀娜孭飛。

另外仲有李璨琛做監製嘅《大盜演》，有秦沛兩父子加埋詹瑞文，唔知子華睇完，心情有無舒服返啲呢？

攝錄：吳斯金

-----------------------------

【壹週刊直播平台 ChannelNEXT】

全城抗暴 區區論壇同你深度剖析

立即睇



-----------------------------

【升級壹會員登記站 為你解疑難！】

親臨旺角做升級壹會員，即送「香港人：抗爭之夏」限量明信片

詳情地址