當年今日
關於我們

【突然宣佈退出】讚費玉清歌藝出眾 莫文蔚:希望可以再同台

蘋果日報 2018/09/27 21:58

莫文蔚費玉清

莫文蔚(Karen)今日喺金鐘出席鞋履展覽,佢仲親自挑選咗14對鞋畀大會展出。
問到費玉清宣佈明年完成巡迴演唱會後就退休,曾經同佢合作過真人騷嘅Karen就有啲愕然:「冇理由㗎,佢咁鍾意唱歌。」再講到費玉清因為父母離世先有退休嘅計劃,Karen話:「我真係唔知,不過我明白人生好多嘢,唔只事業,仲有好多愛好。」
Karen大讚費玉清唱歌太美妙,仲透露原本巡迴演唱會都想邀請佢做嘉賓:「可能依家要畀啲空間佢,但都好希望可以再同台。」咁你又有無諗過退休呢?Karen話有時好攰都想放個長假,但徹底地退休就無諗過,佢仲話已經計劃好完成晒巡迴演唱會,2020年就會放假1年陪下老公同屋企人。
另外,問到陳奕迅下月將喺中環摩天輪下開騷,問佢會唔會考慮?Karen話唔知嗰度可以開演唱會:「我都想喺戶外,如果喺香港開都唔想喺紅館,因為今次個演唱會主題都係足球場咁。」佢話嚟緊會喺中國同台灣巡迴演出,台灣賣飛嘅反應好好,自己都好期待。至於陳奕迅今次係自資開慈善騷,Karen都大讚好好:「上年我同屋企人都成立咗個慈善基金,都想做多啲野去幫大家。」
精選娛聞,喺晒《娛果》
http://fb.com/appledailyent
empty
莫文蔚親自挑選咗14對鞋喺鞋履展覽展出。
empty
佢聽到費玉清宣佈退休,覺得好愕然,自己就安排咗20年就放假1年。
empty
陳奕迅下月喺中環摩天輪下開騷,Karen都話唔想喺紅館搞。