今日咩環境？
蘋果日報 2019/12/29 12:12
今日咩環境場地掛牌田草B加2欄
是日（29日）舉行今年最後一次賽事，編六草四泥，草地用B加2欄，度地儀指數2.71，場地掛牌為好地。今日將不會進行壓地。
睇番2018年最後一戰亦係用田B加2欄，當日度地儀指數2.71，掛牌好地，全日後追馬絕對唔蝕底，好似「錢途再現」、「領闖者」、「動力爆發」、「珍珠鳳凰」及「天池怪俠」都係早段留守中後位置，入直路憑後勁反先對手勝出。
另外，當天1及2檔包辦半數頭馬，預期能守內叠之後追馬值得優先留意。
今戰列陣馬中，第六場「爆騷」唯一頭馬正是於田草B加2欄所得，今次重返強項，有力重開勝門。
另外，第八場「快樂實在」兩次角逐田草B加2欄非冠即亞，憑出色場地性能可再取頭馬。
泥地方面，硬度計指數9.56，掛牌濕慢地。
今日四場泥地路程均為1650米，近期此程利追唔利放，如「安賦」（兩次）及「蒙古傳奇」俱後上建功，故此第二場「執到笑」、第四場「南莊瑞寶」及尾場「好鬥心」等擅跑泥地之後追馬可秤先。