「這不是一部紀錄片，這是一個有關香港的故事。傾聽1967，目擊今天，我們看見歷史，即使並非重演，也似曾相識。」——《中英街1號》

第13屆大阪亞洲電影節由今個月9號至18號於大阪舉行，喺公佈嘅15套入圍電影名單中，有三部港片，包括今屆香港電影金像獎有6項提名、杜汶澤自導自演的《空手道》；趙崇基執導、以六七暴動為背景發展到19年社會運動為題材嘅《中英街1號》，演員有游學修、廖子妤同盧鎮業；最後一部是由譚惠貞執導，劉嘉玲與吳肇軒主演嘅《以青春的名義》。

最優秀作品獎（THE GRAND PRIX）由趙祟基執導嘅港片《中英街1號》奪得，趙崇基、盧鎮業等都有上台拎獎。趙崇基致謝詞時說：「我第18部電影，呢部係我最重要一部，呢個獎都係我咁多年嚟最重要一個獎。」該獎榮譽等同最佳電影，係競賽部份中的最大獎項。去年此獎由黃進執導作品《一念無明》奪得。

此外，芳泉短編賞 (係片長60分鐘以下短編作品)，由日本短編作品《CYCLE-CYCLE》獲得。JAPAN CUTS Award獎由速水萌巴導演《KUSHINA, what will you be》。藥師真珠演員獎由菲律賓女星Ryza CENON憑《Mr. and Mrs. Cruz》 奪得。

ABC娛樂獎由台灣導演謝駿毅執導嘅《帶我去月球》奪得，《帶我去月球》於去年上映，由劉以豪及宋芸樺主演。最優秀女優獎由日本女星飯島珠奈憑《東京不穩詩》奪得。傑出才能獎則由菲律賓導演Mikhail RED憑《NEOMANILAM》獲得。

《中英街1號》以黑白拍攝，諷刺現今社會非黑即白，或者黑白不分的荒誕現象］，故事分兩節，分別是1967年香港六七暴動，以及2019年另一場社會運動。趙崇基去年受訪時，表示申請政府電影發展基金遭拒。

電影選在沙頭角中英街拍攝，雖然趙崇基一早入紙，亦已提供故事大綱供有關方面參考，但一直不獲批，趙崇基不禁問：「佢哋話沙頭角係唔准拍戲嘅，我都唔知點解；甚至我哋一班入過去睇景嘅都被列入黑名單咁誇張。我唔明點解唔俾拍。香港表面上係冇因為政治原因唔俾你拍戲0架嘛！」

此外，趙崇基昨晚現身大阪亞洲電影節「香港之夜」，同影迷交流嘅時候，講到電影可唔可以喺香港上映就感觸落淚：「聽過好多叫我放棄嘅聲音，今日終於能喺大銀幕上睇到自己嘅作品，而且喺大阪亞洲電影節舉行世界首映。」事後他受訪時稱：「估唔到一部最本土電影，世界首映唔係喺香港，而係喺日本，亦估唔到日本觀眾反應咁熱烈，唔少人都睇到感動流淚。」

更多娛聞，喺晒《娛果》
http://fb.com/appledailyent