美國電影大亨Harvey Weinstein爆出性醜聞，佢被指三十多年來借自己地位性騷擾多名女星及員工，目前他已暫停出席公開行程。

據《紐約時報》（The New York Times）報道，Harvey Weinstein三十年多年來對女星、女性助理、行政人員埋手、至少8名女子與他捲入訴訟糾紛，包括女星艾絲莉茱爾（Ashley Judd）及露絲麥高雲（Rose McGowan）亦係受害人，另外，還有Harvey嘅女助理或臨時員工，都稱曾被Harvey叫到酒店房，要求有進一步行動，有啲甚至收過Harvey裸照。其實意大利女模Ambra Battilana亦於兩年前，相約Harvey談工作期間，報案聲遭胸襲非禮，Harvey被爆醜聞後，呢單非禮案即被翻炒。

事件被廣泛報道後，Harvey方面發聲明指報道不實，計劃會採取法律行動，同時佢指自己正接受治療，又稱將會放假，並話太太對佢百份百信任。不過據網站《Variety》報道，The Weinstein Company影業公司由Harvey同胞弟Bob共同任主席，公司將招開董事會議討論會唔會畀Harvey會繼續留喺公司，報道指其職務應該會由其弟Bob接手，不過由於Harvey持有公司股權，佢難以同公司徹底撇清關係。