周六（29日）沙田八草兩泥賽事，草地用B加2跑道，天文台預測或有一兩陣雨，估計兩條跑道掛牌均為好地。

睇番最近10月7日同一移欄賽事，跑道偏差唔算嚴重，就算走外叠之居中後上亦唔算蝕底，好似「皇牌」、「數糊勇士」、「開心神駒」及「超新星」都係沿途走外叠下以後勁反先對手勝出，選馬時不宜過份側重內叠前置馬。

今戰列陣馬中，第四場五班1400米草地，「駕迅」係全場唯一贏過田B加2欄1400米之馬匹，另外，第十場二班1400米草地，「勇霸神駒」三次角逐田B加2欄獲兩勝一位，場地性能唔使懷疑，值得優先留意。

至於泥地方面，近期短途繼續利放，至於一哩則大利後上，頭場一哩可留意靠追食糊之「架勢」，而第九場1200米則要秤先可擺前走之「喜進」。