【本報訊】Monique被判刑後到銅鑼灣一家樓上咖啡店舉行記者會，吸引半百記者採訪，她表示已反省己過。她其後在電視專訪中透露是次犯案是受損友影響，也是她第一次吸毒。
Monique昨午2時半開始記者會，未設發問環節。她悔疚地表示：「身為一個公眾人物，我明白到個人嘅行為係對於公眾嘅影響好大，亦希望呢次事件令到年輕人作為警惕。」並希望獲機會改過，說罷即來個長達六秒的90度鞠躬。
記者會後，Monique接受有線娛樂新聞台專訪，被問到何時開始吸毒時，她說：「都係受身邊朋友影響，自己成日聽、成日睇電視，咦好funny喎，之後就嘗試咗，冇諗過後果會真係咁嚴重。」

「嗰次係第一次」

主持又問Monique為何帶毒品回校，她尷尬地說：「因為其實嗰次係第一次，我唔知放邊度好（苦笑），我驚屋企人搵到，咁咪擺喺身度。」她指直至在警署見到母親擔心的樣子時，才意識到傷害家人。她提及家人時更泣不成聲：「報紙報道之後，我覺得（不停拭淚）影響最大係屋企人……受多好多壓力。」她指父親沒有責備她，反而安慰她說：「只要你肯改過、識行番條正確嘅路就OK。」
至於為何去年11月出庭前的驗尿報告仍顯示她有吸毒，Monique解釋：「其實嗰個驗尿報告係出庭之前，因為警署捉咗我返去嗰陣驗咗一次，之後再喺上庭前有第二次，因為嗰次時間隔咗好短，我諗應該係得幾日，總之事隔好短，咁我唔知身體點樣去排毒。」
男助手指Monique現時會專注中學課程，並會參加禁毒活動，模特兒工作則稍後才決定。記者會完畢後，Monique到天后的香港傳藝中心上課。