曾聲稱不認識婆婆的八鄉上村永慶圍村代表黎偉雄,領着婆婆的大嫂和姪兒,還有六名食環署滅蟲鼠組人員到場,幫忙滅鼠除蟻外,還藉機「發爛渣」,「呢單嘢搞到我身為一個村長俾人怨,搞到好冇面!」
婆婆被大嫂拉出屋外,坐在椅上像被審判,黎偉雄暗地責怪婆婆︰「點會冇人理你!大嫂又喺度,啲姪又喺度,點會冇人理你?」黎又硬當婆婆「代言人」,「你係唔捨得呢度,唔捨得大嫂,先唔搬走,係咪?」婆婆解釋無奈留守的原因︰「我行開,呢度俾人霸咗嚟住,或者拆咗都唔知!(黎插嘴︰有大嫂喺度!)大嫂都唔知,你估佢好得閒。」
為了擺脫「罪人」角色,黎偉雄竟發惡叫記者不要再騷擾婆婆,更指她有最親的大嫂照顧,惟當記者詢問何以沒親人為婆婆爭取收地時,黎即推卸:「係嗰班土地正義聯盟喺度搞?」眾人在屋內上演一場20分鐘「大龍鳳」後,便匆匆離開,屋內再次回復孤寂。