當拍賣完十件物品後，張玉珊就話捐多一幅名為《人類最好的朋友》嘅畫拍賣，幅畫底價30價，最後由善長以300萬元投得。之後輪到陳奕迅(Eason)上台高歌，Eason話因為自己同王菲係同一經理人，王菲似佢大家姐，自己亦係「嫣然」一份子，Eason就唱咗《穩穩的幸福》。

及後李亞鵬再上台公佈善款數字，佢笑言今晚飲咗好多酒，因為有350人嚟慈善晚宴，佢每枱都坐低飲兩杯，搞到眼都花埋，要勞煩司儀幫手讀出善款總額， 合共係超過5,600萬港元。 其中有3,000萬，來自內地富商、已移民來港嘅環球國際控股(香港)有限公司董事長錢峰雷。



逢周五隨《蘋果日報》附送嘅時尚美容雜誌《add》第四期經已出版，大家仲可以上《add》嘅官網 http://add.appledaily.com睇足本網上版。除咗有陳妍希專訪，仲有好多時裝靚嘢睇！