2013年度港姐張敬仁當年大熱倒灶，為咗唔想畀大台綁死，寧願簽經理人公司另謀出路（新聞連結： http://bit.ly/2iRzBY2 ）。張敬仁繼早前喺ViuTV新劇《賤民20》同「民間港姐」吳海昕玩完女女激咀後，佢最近同安俊豪做美食訂位apps代言人，日前兩人扮情侶拍宣傳片，化身「野蠻女友」嘅張敬仁要安俊豪服侍揼骨，不過，佢話其實喺現實生活中，自己係一隻小綿羊，對住男友千依百順，好多時候都會選擇忍讓。

而安俊豪就自誇私底下都係「美食GPS」，朋友經常問佢邊間餐廳嘅食物，可惜呢排佢為咗上鏡好睇要收身，戒食澱粉質，自嘲做咗美食絕緣體。