【繼續freestyle】着住hip hop衫rap MC Jin帶胡巴玩轉紐約
蘋果日報 2017/09/17 15:52
紐約MC Jin胡巴
《捉妖記》卡通主角小妖王胡巴威到去美國，時裝設計師Vivienne Tam 以佢為靈感，設計2018春夏系列，胡巴喺紐約時裝周行catwalk，除咗有陳法拉撐場之外，今次就有MC Jin（歐陽靖），做地膽帶胡巴玩轉紐約日與夜。
MC Jin憑《中國有嘻哈》喺內地爆紅，胡巴着住一身hip hop打扮配合，二人齊齊freestyle，第一站先去紐約唐人街。沿途有好多街坊認出MC Jin同胡巴，搞到好似國際巨星出巡咁，街坊熱情包圍要求影合照，有雪糕店同麵店老闆請佢哋食免費大餐，經過菜檔時，MC Jin突然整蠱胡巴，大嗌：「胡巴，你肥表哥呀！」原來MC Jin指嘅係胡巴同族嘅白蘿蔔。唐人街附近仲有一幅好有名嘅塗鴉牆，MC Jin帶咗胡巴去感受吓hip hop文化，仲即場跳咗一小段hip hop，MC Jin大讚朝巴身手靈活。
MC Jin憑《中國有嘻哈》喺內地爆紅，胡巴着住一身hip hop打扮配合，二人齊齊freestyle，第一站先去紐約唐人街。沿途有好多街坊認出MC Jin同胡巴，搞到好似國際巨星出巡咁，街坊熱情包圍要求影合照，有雪糕店同麵店老闆請佢哋食免費大餐，經過菜檔時，MC Jin突然整蠱胡巴，大嗌：「胡巴，你肥表哥呀！」原來MC Jin指嘅係胡巴同族嘅白蘿蔔。唐人街附近仲有一幅好有名嘅塗鴉牆，MC Jin帶咗胡巴去感受吓hip hop文化，仲即場跳咗一小段hip hop，MC Jin大讚朝巴身手靈活。
之後MC Jin同胡巴去到華盛頓廣場公園，遇到街頭表演，雖然唔係MC Jin拿手嘅rap而係爵士樂，但現場氣氛好熱鬧，聞歌起舞嘅胡巴，吸引到當地小朋友擁埋去抱抱。玩到夜晚，佢哋都仲意猶未盡，MC Jin又帶胡巴去到紐約地標時代廣場，MC Jin即興rap咗兩句：「帶胡巴睇下啲五光十色廣告牌，希望有日會喺度見到胡巴個樣。」
MC Jin帶胡巴遊紐約。
街上原來有唔少人認得胡巴，有外國小朋友仲同佢攬攬o忝。