由李鍾碩、朴海鎮、陳世娜主演嘅劇集《Doctor異鄉人》，將會喺今個月28日接檔劇集《神的禮物-14天》正式首播。

套劇由李鍾碩同朴海鎮兩位當紅小生擔正，由開拍開始，已經令一眾「花痴」極之期待。

繼日前劇組公開咗李鍾碩同朴海鎮嘅DoctorLook劇照之後，今日又有新相睇喇！

相中見到李鍾碩同飾演佢初戀女友嘅陳世妍，喺花路上開心笑住咁踩單車，兩人一路踩，一路對望嘅畫面，微微咁散發住初戀嘅甜蜜味道。

早前兩人先喺匈牙利拍完攬腰坐電單車嘅場面，而家又咁Sweet咁踩單車，真係恨死一班花痴呀！