周三喺日本舉行嘅大冠軍盃，中國女排喺分組賽對巴西先贏兩盤25:20、25:12，但巴西之後連追20:25、23:25，將盤數扳平至2:2。中國女排喺決勝局一度落後4:8，但星級主攻手朱婷力挽狂瀾，一口氣得七分，助球隊以19:17鎖定勝局，而佢都以33分成為今場得分王。朱婷賽後直言自己今場打得比較急躁，不過球隊喺決勝局「刁時」嗰陣齊心合力，先至可以扭轉敗局。