【韓流】宋智孝封最美身材No.1金鐘國大佬look拍MV
蘋果日報 2015/12/15 06:00
蘋果香港韓國RunningMan即時宋智孝金鐘國turbo
- 金鐘國喺Instagram晒同Turbo成員拍MV嘅花絮相。
韓國人氣節目《RunningMan》成員金鐘國早前就被爆秘密同組合Turbo成員金正男及Mikey合體錄音，趁住今年係組合出道20周年出新碟，令粉絲都非常興奮。
相隔成14年再合體，金鐘國睇嚟都好緊張今次回歸，噚日佢仲忍唔住喺Instagram放咗張同成員拍新歌MV嘅花絮相。相中只見金鐘國同金正男、Mikey就齊齊著晒all-black服裝坐喺啲器材前面，金鐘國仲成個大佬咁款，梳咗個all-back頭同戴咗副超坐正喺中間，而佢三個仲望住個mon笑笑口，似乎係檢查返個MV拍成點喎。
而金鐘國仲留言話：「好耐都冇試過咁開心，o依家淨返7日，雖然拍咗40個鐘MV，但都好開心。」明示組合為回歸好落力呀。
另外，《RM》嘅宋智孝近日打低全智賢、孫藝珍等人，被內地媒體評為擁有最美麗身材嘅韓國藝人冠軍，據知近日亞洲某調查機關同韓國瘦身專門醫院就共同進行咗「最美身材韓國女藝人」調查，當中智孝以壓倒性嘅得票數獲得第一。
而《RM》早前陷入「抄襲風波」，被指部份遊戲有抄襲日本富士電視台綜藝節目《VS嵐》之嫌，《RM》嘅導演就回應：「我哋已經注意到有關《RM》抄襲《VS嵐》嘅相關報道，我哋根本冇睇過《VS嵐》節目，何來抄襲。但對於遊戲環節中出現如此大風波，喺到表示歉意，未來我哋將嚴格把關節目製作嘅流程，避免出現類似失誤。」
相隔成14年再合體，金鐘國睇嚟都好緊張今次回歸，噚日佢仲忍唔住喺Instagram放咗張同成員拍新歌MV嘅花絮相。相中只見金鐘國同金正男、Mikey就齊齊著晒all-black服裝坐喺啲器材前面，金鐘國仲成個大佬咁款，梳咗個all-back頭同戴咗副超坐正喺中間，而佢三個仲望住個mon笑笑口，似乎係檢查返個MV拍成點喎。
而金鐘國仲留言話：「好耐都冇試過咁開心，o依家淨返7日，雖然拍咗40個鐘MV，但都好開心。」明示組合為回歸好落力呀。
另外，《RM》嘅宋智孝近日打低全智賢、孫藝珍等人，被內地媒體評為擁有最美麗身材嘅韓國藝人冠軍，據知近日亞洲某調查機關同韓國瘦身專門醫院就共同進行咗「最美身材韓國女藝人」調查，當中智孝以壓倒性嘅得票數獲得第一。
而《RM》早前陷入「抄襲風波」，被指部份遊戲有抄襲日本富士電視台綜藝節目《VS嵐》之嫌，《RM》嘅導演就回應：「我哋已經注意到有關《RM》抄襲《VS嵐》嘅相關報道，我哋根本冇睇過《VS嵐》節目，何來抄襲。但對於遊戲環節中出現如此大風波，喺到表示歉意，未來我哋將嚴格把關節目製作嘅流程，避免出現類似失誤。」