當年今日
關於我們
【《二月廿九》未完的結局】導演爆經費不足 香川先生獲市民眾籌ending被迫腰斬
蘋果日報 2020/03/14 18:27
娛樂
香川先生
羅嘉駿
Yeesa
二月廿九
娛樂
ViuTV神劇《二月廿九》尋日大結局,暖男「Ryan」徐天佑唔使死,網友開心之餘,導演羅嘉駿亦免於被洗版圍剿一劫。不過正當好多《二》劇粉絲關心,俾幾位主角搞到雞毛鴨血,差啲連工都無埋嘅「香川先生」,最後車禍中生還後,佢病重嘅仔有冇死,同埋有冇俾老細炒魷等之際,今日操生殺大權嘅導演公開《二月廿九》劇本,原來被網民力讚有戲咪嘅配角「香川先生」,導演有著墨佢嘅下場,可惜最後因拍攝經費不足,被迫放棄呢一段情節,故公開劇本,叫網民自行幻想結局畫面,認真搞笑。
導演公開拍唔成嘅劇本,交代「香川先生」原定嘅ending。原來「Yeesa」喺札幌交通意外發生後,被當地人發現佢喺多重空間出現,列為「北海道札幌市之不思議事件!神隱少女影分身之奧秘」新聞,大肆追查,電視台新聞報導:「根據可靠來源,五個長得一模一樣的神秘年輕女人,同時在札幌市多個地點現身,並於3月1日0時0分消失,多部cctv與途人目擊事件。我們的目擊者,更包括市內警察。」,然後新聞片段顯示cctv被打格的「Yeesa」,及醫院外有警察接受訪問,有途人認為「Yeesa」是仙女顯靈,目擊兼「受害人」香川先生當然也是受訪之一,他接受訪問時說:「這麼麻煩的人,我真是倒霉呢!兒子生重病,還派淘氣鬼來搞我嗎?幸好兒子沒事,警察又調查清楚,現在很多熱心市民知道了事件還捐款支持我,真不知道是幸運還是不幸。」即時全劇只有劉俊謙飾演的「家聰」是悲劇收場。
唔少網民睇完「香川先生」下場,都紛紛釋懷。得悉此劇經費不足,搞到有啲場口無法完成,於是有網民吹雞,為導演眾籌拍番外篇。既然《二月廿九》贏盡口碑,為ViuTV立功,不如Viu再加碼,食住個勢,拍番外篇或原班人馬嚟個續集啦!
劇中札幌逃不了的交通意外,「家聰」犧牲死去,「Yeesa」卻被當地市民發現有五個分身,追查奧秘,以為佢係仙女顯靈。
至於香川先生,結果冇交代佢生還後去向,原來佢有happy ending,但因拍攝經費不足,呢幕被迫「壽終正寢」。
個個都開心收場,唯獨會長「家聰」犧牲自己,為女主角換取命運嘅改變。《二月廿九》曾被網民發現劇中有抗爭金句:「缺一不可」,而結局結論:「犧牲帶來改變」,令人聯想過去大半年港人抗爭中被犧牲嘅每一條寶貴生命。
香川先生多次相遇札幌市民心目中嘅神秘分身女子「Yeesa」,因而成為採訪對象,其遭遇後得市民同情,獲捐款救助,因禍得福。
導演Steve(羅嘉駿)自爆經費不足,無法完成香川先生的ending,唯有公開寫好的場口,給網民自行幻想畫面。
「Yeesa」最後竟然係札幌市民口中嘅仙女顯靈。
未能完成拍攝嘅劇本場口公開。
----------------------------
【壹週刊 武漢肺炎專頁】
緊貼防疫資訊!口罩訂購情況、確診個案、病徵潛伏期、封關國家名單、保險點賠?
與你遠離瘟疫 睇清官謊!
立即睇
-----------------------------
【壹週刊直播平台 ChannelNEXT】
專家教你自保攻略|口罩點揀|防疫點做
立即睇
-----------------------------
疫情追蹤,最新消息,Follow 壹週刊Telegram:
點擊追蹤