容祖兒日前遠赴台灣，為新歌《樂觀》拍攝MV，並邀來黃中平拍MV，該MV拍攝由早上拍到翌日凌晨，MV描述祖兒對男主角嘅愛，達至不能自拔嘅瘋狂境界，決定要同男主角殉情，令呢段關係永遠停留喺呢一刻。

男主角喺不太情願下默許殉情，然而男主角最後卻生還，冇隨祖兒離去，故用一生時間去哀悼，而祖兒嘅下一世，巧合踏上前生地方，對於男主角有莫名奇妙嘅傷感。

雖然故事內容傷感，但拍攝時卻瀰漫歡樂氣氛，其中一場祖兒以爬行姿態，加上兇狠眼神，逼男主角服藥殉情，祖兒特意扮老虎姿態爬行，令導演忍唔住叫Cut，引得全場工作人員大笑。而為求令畫面淒美，同場加映蝴蝶翩翩起舞。