De Beers旗下的鑽飾品牌Forevermark重視承諾，下月面世的新作Cornerstones擁諾系列，以主石及四個鑲座體現感情中共同珍視的愛情基礎，包括坦誠、信任、尊重及欣賞，實踐愛的盟誓，示範的文詠珊（Janice Man）同樣看重承諾，許下養家的諾言，並期待愛情承諾的出現。

文詠珊信守承諾，曾為許下克服畏高的諾言，走到澳門旅遊塔挑戰高空漫步，可想而知她對家人的承諾更重視，她日前接受訪問時說：「盡全力養家，我係家姐，對屋企有責任感，父母一直供書教學，細佬慢慢大，但仲讀緊書，希望佢哋完全唔使憂，父母差唔多退休，變咗我畀自己壓力大咗好多。」

脆弱等愛

JM謂外界會以為她生活很風光，其實她的花錢概念是應花則花，全力向800萬至1,000萬的首個物業目標進發，她說：「我買車都係因為我唔方便搭車，我唔會花錢去請司機，寧願慳番啲錢。」
自認是女版超人，JM正逐步實踐養家大計，不過女超人也有脆弱時刻，自言單身的她有時都渴望得到Mr. Right的扶持，她說：「人大咗，好耐已經冇感受到被照顧嘅感覺，女仔去到某啲點，身邊有個人畀到安全感同照顧到你嘅感覺係好緊要。」
問JM是否渴求有另一半對自己許下愛的承諾？她說：「等緊呀，18歲時唔急，但噗一聲去到25歲，好快又跳到30歲，但身邊好多人都話𠵱家仲有時間。」

【奢華與藝術】

周大福與周生生分別採用Forevermark美鑽打造chunky鑽飾，周大福運用圓鑽及梨形白鑽打造多行頸鏈，矜貴奢華；周生生打造的長耳環線條新穎，多行鑽石串交叠扭曲，帶來藝術性的現代感。

採訪：林嘉慈　
攝影：陳志嵐
化妝：Omix B
髮型：Zag Tang of Xenter
服飾提供：S. Nine by Susanna Soo、Joy & Peace
場地提供：the Habitat Lounge of The East

逢周五隨《蘋果日報》附送嘅時尚美容雜誌《add》雖然早已派完；
拎唔到書嘅朋友，可以上番《add》嘅官網 http://add.appledaily.com 睇番足本網上版，除咗有專訪外，仲有好多時裝靚嘢睇！