今次沙田賽事上演博愛百週年紀念盃，一班博愛之友，不論新舊成員當然濟濟一堂，務求歡度一個開心賽馬日。

講起今次（21日）賽事，1994年亞洲小姐冠軍李妮（陳李妮）曾是博愛前主席，所以難得博愛搞盃賽，佢有份的兩駒都出賽應景，包括第一場五班1200米「洪荒駿駒」同第四場四班1200米「好甜橙」。

雖然可惜兩駒都不是跑博愛盃的場合，但當然希望盡力贏馬，然後同一班博愛友好一起拉頭馬就最開心。

李小姐兩駒於上周三（11日）曾同晚跑谷賽，結果取得一冠一亞，贏馬一駒是「好甜橙」。雖然此馬已交代，但今日依然會乘勇再出擊，轉場跑泥地1200米亦一定搏緊。

不過「洪荒駿駒」於今季出賽兩次都做阿二，今次季內第三度出賽，求勝之心當然更昭然若揭。呢匹馬可算是一匹低班全才馬，因為牠跑田草、谷草和泥地都合適，因此易於部署，加上季內跑了兩仗，現時狀態一定提升至最好。

今場轉跑未失三甲的泥地1200米出擊，因薛恩停賽，所以換上何澤堯，呢位華將一哥隨時執好籌贏返一場。

-------------------------------
參加《玄機解馬》節目，可免費畀美女堪輿學家唐碧霞睇八字、睇相指點迷津，快啲入嚟報名。
https://forms.gle/dN9hfSiFxc7T8E436
-------------------------------
馬匹賽績、騎練數據、名家貼士
【最強贏錢武器 盡在蘋果馬網】
https://hk.adai.ly/e/5nFdCiYq8Y
-----------------------------
【撐學生】
召集有心人 撐學生全年睇《蘋果》
立即按此
-----------------------------
《囚牢之疆》 專頁
揭開集中營邪惡面紗
今日新疆 明日香港