【抗爭到底】阮民安撐老婆東京賣潮裝 眼罩豬嘴變fashion
蘋果日報 2019/09/15 12:30
EVA阮民安東京抗爭Fashion眼罩豬嘴
阮民安(Tommy)和KOL老婆Eva的潮牌時裝，昨晚在東京開Pop up store，Tommy斥資6位數字撐老婆，雖然他連月站前線支持抗爭，兩公婆同時失去內地巿場，但未有打亂他們的開店計劃，兩公婆仍然一條心互相手持。
昨晚Pop up store開幕禮，日本攝影大師米原康正更帶了太太一同到賀，Eva換上潮裝工人褲招呼賓客，而Tommy則穿上黃色風褸配黑褲，以證一顆「黃心」不變，他一早到店中打點布置。最吸睛的是店中的假模特兒公仔，竟戴上搶眼的粉紅色眼罩和豬嘴做配襯，兩件抗爭裝備變成fashion。Tommy身在東京，心在港，他今日接受《蘋果》訪問時說：「其實呢個構思都係想講堅持到尾，唔好放棄，最後都一定會做到嘢，我哋布置新店時，一路諗點樣可以將一啲抗爭嘅元素擺喺今次嘅Pop up store入面。於是Eva同另一個partner，就諗到將其中一個model公仔戴住一個DIY粉紅色眼罩同粉紅色豬嘴，然後下身着番Eva今次collection嘅衫，變成今次Pop up store嘅打卡位，去對應香港努力嘅抗爭緊嘅手足，兄弟爬山，各有各做，希望佢哋感受到我哋喺東京畀佢地嘅support！」Tommy直指眼罩和豬嘴已變成fashion：「係呀，至於有冇得賣，咁睇下大家鍾唔鍾意啦，如果鍾意，我哋會考慮喺下一站Pop up store推出，我哋下一站10月會去台灣，之後11月會去LA。」
Tommy表示這次東京Pop up store籌備了差唔多兩年，終於排除萬難成事，他續說：「一個新品牌要喺東京搞Pop up真係唔係容易嘅事，今次仲要喺Laforet入面嘅舖頭度搞，仲更加難，雖然過程有好多大大小小嘅問題出現，但係我同Eva同埋團隊都無因為咁就放棄，最後終於可以成功喺東京將我哋嘅心血放上架，我哋全部人都好感動！」
此外，Tommy每日都關心香港情況，他上周五在日本大搞人鏈活動，呼應香港手足，對於昨日淘大商場發生的黑警濫捕，Tommy說：「好憤怒。」他謂完成手頭工作便返港歸隊，呼籲香港人加油。
(被訪者提供圖片)
Tommy和Eva終排除萬難在東京賣潮裝。(被訪者提供圖片)
米原康正夫妻撐場。(被訪者提供圖片)
Tommy和KOL老婆Eva昨晚在東京開Pop up store。(被訪者提供圖片)
Eva在打卡位影相。(被訪者提供圖片)
Tommy忙於打點置，親力親為。(被訪者提供圖片)
好友到賀Tommy和Eva。(被訪者提供圖片)
店中好多抗爭元素。(被訪者提供圖片)
Model公仔都戴眼罩和豬嘴。(被訪者提供圖片)