轉身射個no show波的玩嘢大嬸 | The Beggar in the Restaurant 店小二
蘋果日報 2018/06/17 09:00
專欄店小二地區消息蘋地乞客乞客
話說某日下午12點鐘，餐廳剛開始午市，我收到一個電話想book嚟緊星期五16個人嚟食Lunch。大家都知星期五不論中午定晚市都係冧檔之巔，所以我哋接枱都會謹慎啲，大過7人以上都一定要落deposit。
小姐：吓！要親身落嚟畀deposit？
我：係呀小姐，因為我哋7人以上都要畀deposit。
小姐：我之前10位都唔需要畀㗎喎。我成日幫我老闆訂㗎！Mr.XXXXX呢！
（完全無印象）
我：因為最近多大枱No Show所以公司有呢個規矩。
（查實呢個規矩都行左一排⋯⋯不過廢事佢針住話上次唔使今次要。）
小姐：放心啦我唔會No Show㗎，一係咁，你搵上次招呼我個女經理聽啦！
咁我哋位女經理就已經辭咗職，無人知佢係邊個嘅情況下，加上開始勁多訂枱入嚟，大粒經理就話照畀佢落，因為佢想訂1點半後，都做到2 Round喎。小姐知道唔使畀訂之後，仲繼續雞啄唔斷。而且知道2點半後會有個更平嘅下午茶餐，所以又問有無得提早叫下午茶餐呀、有無低消呀、咩卡有咩折呀、可以安排咩位置、最後仲叫我讀一次嗰日個午餐餐牌同下午茶餐牌，講埋個價錢喎。
我：小姐，不如你上去我哋網站睇吖，今個星期個餐牌已經updated咗，同星期五一樣㗎。
小姐：我上唔到網喎！不如你WhatsApp畀我睇呀。
呢句說話矛盾到極致，你上唔到網又點WhatsApp呀大嬸！！！不過算，我真係冧晒檔，答咗句okay我就收線搞返晒我面前堆booking。
好啦！下午茶後，我就用我私人WhatsApp send message畀小姐，畀menu佢之外，仲想confirm埋佢會究竟揀叫午餐定係下午茶餐呢？因為只可以二選一，揀下午茶我就直頭唔使理佢啦因為2點半先入座。但如果揀午餐落定單就方便可以嚟到即起，師傅都有心理準備有咩item賣得多。因為都驚佢1點半後食lunch會有啲 item賣晒。但小姐無喺WhatsApp覆我。第二日我就再打畀小姐confirm多次個時間，最後佢都係揀食lunch，1點半16位，但仲睇緊menu未落單住，話會打返嚟。
直到嗰日，開早同事話小姐電話唔通，confirm唔到人數。咁12點鐘開波前，我就用我私人電話打多畀佢一次，佢話okay。1點20分，我哋完美地翻好張16人枱，我就send message畀小姐話張枱ready⋯⋯點知小姐秒回話：「Sorry, we cannot come today.」
點解唔嚟要last minute先出聲？仲要喺早1個鐘頭前先同我confirm完。搞咗我2、3日，到頭來，原來你係玩㗎咋？浪費晒我WhatsApp啲位呀！我覆返阿大嬸話麻煩你下次提前同人講唔要訂枱呀，我哋準備晒confirm咗你㗎嘛！（不該！）同埋祝你（條不該）周末愉快啦下！咁當然大嬸已讀不回，個電話我都放咗入餐廳Booking System個BlackList錄入面。
所以話，唔好問點解而家啲餐廳無咩人情味，乜都唔通融吓，因為呢啲人情味畀人濫用得太緊要，通融西客等於作賤自己，仲要畀老闆話點解咁大張枱無人坐㗎！點解咁大張枱都唔使畀訂⋯⋯因為有人通融，對客人有人情味囉！老闆，如果可以，我2位都想收訂呀喂，No show 啲訂應該夠我買樓呀！
專欄作者簡介：
The Beggar in the Restaurant 店小二Mary
我係一位從來唔對客人黑面，經常笑面迎人嘅侍應，著有《乞客MENU》。
Facebook專頁：The Beggar in the Restaurant乞客
https://www.facebook.com/BeggarintheRestaurant/
發掘更多身邊的小城故事，請LIKE 蘋地 Facebook Page，並設定為「搶先看」： https://www.fb.com/appledailyland
小姐：吓！要親身落嚟畀deposit？
我：係呀小姐，因為我哋7人以上都要畀deposit。
小姐：我之前10位都唔需要畀㗎喎。我成日幫我老闆訂㗎！Mr.XXXXX呢！
（完全無印象）
我：因為最近多大枱No Show所以公司有呢個規矩。
（查實呢個規矩都行左一排⋯⋯不過廢事佢針住話上次唔使今次要。）
小姐：放心啦我唔會No Show㗎，一係咁，你搵上次招呼我個女經理聽啦！
咁我哋位女經理就已經辭咗職，無人知佢係邊個嘅情況下，加上開始勁多訂枱入嚟，大粒經理就話照畀佢落，因為佢想訂1點半後，都做到2 Round喎。小姐知道唔使畀訂之後，仲繼續雞啄唔斷。而且知道2點半後會有個更平嘅下午茶餐，所以又問有無得提早叫下午茶餐呀、有無低消呀、咩卡有咩折呀、可以安排咩位置、最後仲叫我讀一次嗰日個午餐餐牌同下午茶餐牌，講埋個價錢喎。
我：小姐，不如你上去我哋網站睇吖，今個星期個餐牌已經updated咗，同星期五一樣㗎。
小姐：我上唔到網喎！不如你WhatsApp畀我睇呀。
呢句說話矛盾到極致，你上唔到網又點WhatsApp呀大嬸！！！不過算，我真係冧晒檔，答咗句okay我就收線搞返晒我面前堆booking。
好啦！下午茶後，我就用我私人WhatsApp send message畀小姐，畀menu佢之外，仲想confirm埋佢會究竟揀叫午餐定係下午茶餐呢？因為只可以二選一，揀下午茶我就直頭唔使理佢啦因為2點半先入座。但如果揀午餐落定單就方便可以嚟到即起，師傅都有心理準備有咩item賣得多。因為都驚佢1點半後食lunch會有啲 item賣晒。但小姐無喺WhatsApp覆我。第二日我就再打畀小姐confirm多次個時間，最後佢都係揀食lunch，1點半16位，但仲睇緊menu未落單住，話會打返嚟。
直到嗰日，開早同事話小姐電話唔通，confirm唔到人數。咁12點鐘開波前，我就用我私人電話打多畀佢一次，佢話okay。1點20分，我哋完美地翻好張16人枱，我就send message畀小姐話張枱ready⋯⋯點知小姐秒回話：「Sorry, we cannot come today.」
點解唔嚟要last minute先出聲？仲要喺早1個鐘頭前先同我confirm完。搞咗我2、3日，到頭來，原來你係玩㗎咋？浪費晒我WhatsApp啲位呀！我覆返阿大嬸話麻煩你下次提前同人講唔要訂枱呀，我哋準備晒confirm咗你㗎嘛！（不該！）同埋祝你（條不該）周末愉快啦下！咁當然大嬸已讀不回，個電話我都放咗入餐廳Booking System個BlackList錄入面。
所以話，唔好問點解而家啲餐廳無咩人情味，乜都唔通融吓，因為呢啲人情味畀人濫用得太緊要，通融西客等於作賤自己，仲要畀老闆話點解咁大張枱無人坐㗎！點解咁大張枱都唔使畀訂⋯⋯因為有人通融，對客人有人情味囉！老闆，如果可以，我2位都想收訂呀喂，No show 啲訂應該夠我買樓呀！
專欄作者簡介：
The Beggar in the Restaurant 店小二Mary
我係一位從來唔對客人黑面，經常笑面迎人嘅侍應，著有《乞客MENU》。
Facebook專頁：The Beggar in the Restaurant乞客
https://www.facebook.com/BeggarintheRestaurant/
發掘更多身邊的小城故事，請LIKE 蘋地 Facebook Page，並設定為「搶先看」： https://www.fb.com/appledailyland
