許志安邀衛蘭拍新歌MV 四手緊握
蘋果日報 2013/08/08 06:00
許志安衛蘭
許志安邀請衛蘭合唱《情人甲》，日前仲齊齊拍MV。- 四手緊握，好肉緊呀。
許志安新歌《情人甲》早前已推出咗三個MV版本，除咗男女愛情故事，仲有兩女曖昧情誼以及男男激情戀，題材踩界惹熱話。為咗乘勝追擊，安仔仲邀請衛蘭（Janice）錄製合唱版，日前佢哋一齊拍MV。
安仔透露《情人甲》第4個MV，除咗剪輯之前3個MV情節外，佢同Janice會親自上陣參與拍攝，希望帶出另一個感覺。至於點樣演繹？安仔就皺眉苦笑話：「導演要求我哋表達既親密又非情侶關係，咁樣好高難度，我未試過同女仔喺MV度咁做，仲難過拍親熱鏡頭！」
由於Janice不太懂中文，安仔只好細心解說，甚至叫佢幻想自己迫巴士，同陌生人好接近，但又唔係情侶，逗得Janice大笑。安仔說：「搵佢合唱，就係鍾意佢呢種神髓，佢係一個好可愛既小女孩，成日都令大家好開心！」
正式埋位時，安仔就好似守護天使咁，從後擁抱Janice，期間就算只是拍攝大頭鏡，佢哋四手互相緊握，非常肉緊，安仔說：「唔好以為鏡頭以外我哋就唔演喎，雖然拍唔到我哋手手腳腳，但係都要投入，互相握緊為營造溫馨氣氛。」
Janice說：「我哋唱歌就係講一個故事，唔會諗其他嘢，亦唔會顧慮其他人點諗，要表現專業。」安仔笑說「我冇要求激情啲，我唔知Janice有冇要求導演！」Janice聞言哈哈大笑並耍手擰頭，她說：「唔係一定要kiss，擁抱都可以好親密！」
安仔透露《情人甲》第4個MV，除咗剪輯之前3個MV情節外，佢同Janice會親自上陣參與拍攝，希望帶出另一個感覺。至於點樣演繹？安仔就皺眉苦笑話：「導演要求我哋表達既親密又非情侶關係，咁樣好高難度，我未試過同女仔喺MV度咁做，仲難過拍親熱鏡頭！」
由於Janice不太懂中文，安仔只好細心解說，甚至叫佢幻想自己迫巴士，同陌生人好接近，但又唔係情侶，逗得Janice大笑。安仔說：「搵佢合唱，就係鍾意佢呢種神髓，佢係一個好可愛既小女孩，成日都令大家好開心！」
正式埋位時，安仔就好似守護天使咁，從後擁抱Janice，期間就算只是拍攝大頭鏡，佢哋四手互相緊握，非常肉緊，安仔說：「唔好以為鏡頭以外我哋就唔演喎，雖然拍唔到我哋手手腳腳，但係都要投入，互相握緊為營造溫馨氣氛。」
Janice說：「我哋唱歌就係講一個故事，唔會諗其他嘢，亦唔會顧慮其他人點諗，要表現專業。」安仔笑說「我冇要求激情啲，我唔知Janice有冇要求導演！」Janice聞言哈哈大笑並耍手擰頭，她說：「唔係一定要kiss，擁抱都可以好親密！」