聽日就係江美儀47歲生日，今日就依然要開工，但就有男神送驚喜喎，就係大台新一代男神余德丞喇！

噚日先喺電視城巧遇嘟姐(鄭裕玲)，好開心咁同嘟姐合照嘅余德丞，今日又好忙咁去開心速遞，就係去送生日蛋糕俾聽日生日嘅「阿媽」江美儀。余德丞同江美儀曾喺劇集《誇世代》合演母子，今日余德丞就登買咗個生日蛋糕去到美儀拍攝嘅場地，同佢預祝生日。阿媽收到「囝囝」呢份心意當然開心到癲，即刻喺ig度同大家分享呢份喜悅，佢話：「生日的驚喜，就是我個仔突然嚟探我班，重買咗個蛋糕同我慶祝生日。我最窩心的生日禮物，就是他健健康康站在我面前。多謝你呀德丞，多謝你阿六同監制Joe!#有個乖仔同我慶祝生日#有個仔真好#江美儀 #江美人#好好善待自己 #余德丞 #龔嘉欣」。

同樣有份演《誇世代》嘅張繼聰見到都即時留言向美儀說聲：「Happy birthday！」

精選娛聞，喺晒《娛果》
http://fb.com/appledailyent