彭浩翔繼《撒嬌女人最好命》後，又剛監製完陸以心執導的《同班同學》，近期他除了積極籌備《志明與春嬌》第三部曲《志明與春嬌一家》外，明年初他會與曾國祥一起主演瘋狂喜劇《冥通銀行大劫案》。該片由《戀愛絮語》導演尹志文執導，故事主要講述兩位廢柴警察落地府追查冥通銀行一單大劫案，是否涉及凡間賊匪，怎料兩位特別惹女人喜歡的廢柴差人只顧媾「鬼妹」，忘了做正事，鬧出連串笑話。

韓國電影節贏獎金

《冥》片之前拿去參加韓國富川國際奇幻電影節It Project的「NAFF現金獎項」大獎，可以獲得獎金投資在該片，彭浩翔昨日表示：「呢個獎係鼓勵一啲正在融資階段嘅電影，能夠得大獎，當然開心，由於部戲係講鬼故事，唔可以返內地放映，所以搵資金會有一定難度，𠵱家我哋開始喺香港搵老闆支持，希望明年初可以開拍，呢部係我同國祥以導演身份開始反攻演員之作，籌備一部戲總係要等演員期，𠵱家啲演員真係忙到不得了，而且片酬越嚟越貴，與其係咁，不如我哋自己索性做埋喜劇演員，乾手淨腳。」
據悉古天樂的天下一、太陽娛樂和曾志偉的電影公司對投資《冥》片都有興趣，只不過影片資金太高，需要彭浩翔再把製作成本減低，估計成本約為1,300萬港元。這部為香港觀眾而拍的瘋狂喜劇，因為不用遷就內地市場，曾國祥與阿彭都想去得盡一點，等觀眾看得更過癮。
採訪 ：鍾國仁