買樓上車係唔少香港人嘅目標，不過香港樓價貴到咩咁，呢個目標喺好多人心目中都係遙不可及。

80後，今年32歲嘅衛詩雅終於達成夢想，今日衛詩雅首度置業，成為業主。今日喺啟德樓盤龍譽重新開賣，今次一共會出售108伙，而衛詩雅今朝一早就收到電話叫佢去睇樓，仲喺Facebook貼文話：「已經兩日冇訓嘅我，一返到屋企收到一個好突然嘅電話就要立刻撲出去！既興奮又緊張嘅心情！#人生嘅第一次#好重要嘅一件事」

據知衛詩雅今次睇啱嘅單位喺1B高層E室，為一房單位，面積約348平方呎，叫價逾780萬，呎價逾2萬2千蚊。衛詩雅今日回覆《蘋果》時，坦承今朝去買樓，佢話：「覺得好貴呀，但一直想有自己物業，所以咪買囉！」