【可以SAY NO】鄧穎芝為幫到疑被非禮女子感開心：佢哋最初諗住算數
蘋果日報 2020/05/13 14:10
陳淑莊鄧穎芝余德寶男教練
（影片截圖）- 鄧穎芝在FB live分享面試經驗。（影片截圖）
- 鄧穎芝日前在FB公開呼籲受害人與她聯絡。（資料圖片）
- 被質疑抽水的男教練拍片自辯。（資料圖片）
鄧穎芝日前在網上轉發多張照片，懷疑有人以教武術為名抽水為實，以各種曖昧的姿勢涉非禮女性，她不單斥責男教練是人渣，更呼籲受害人報警。事件引發廣泛討論，昨日她和議員余德寶以及風雨蘭社工，陪同受害人到沙田警署報案，結果警方同日下午拘捕涉案33歲男疑犯，查明他不具有任何武術教練的專業資格，呼籲其他受害人主動與警方聯絡。
今日鄧穎芝與余德寶和陳淑莊三人舉行FB LIVE，繼續跟進「武術為名，非禮為實」事件。陳淑莊表示因為案件已經進入刑事調查，所以不方便談論細節，余德寶表示至今已經接觸了6位當事人：「主要都係一啲年輕女性為主，其中4位已經落咗口供，今日同聽日都陸續有啲女性會落口供。」鄧穎芝亦說：「今次都好開心，可以幫到受害者，佢哋都話如果今次唔係公開話會幫助，主動聯絡番我哋，佢哋最初諗住算數。」
被質疑抽水的男教練，在事件曝光後反駁指控，辯稱拍片目的是想推廣柔術，今次是他自己出錢請演員拍片，並不是學員，強調拍攝前有表明會拍巴西柔術，當中沒有逼任何人拍片；於是陳淑莊在節目上，問到鄧穎芝在面試、試鏡期間要注要的事項，鄧穎芝說：「首先係一定唔會一對一喺公園進行，一定係一間製作司公司，一定會有Office同埋會有一班人，而家網上都有好多騙案，好似會叫你影啲相，又或者係上啲訓練班，所以如果真係要接觸嗰件事嘅時候，先去了解公司背景，唔好人哋叫就亂去，可以上網搵吓啲資料。」她續說：「個人資料主要都係畀個名電話同SIZE，地址未必畀，如果係拍戲嘅話，可能畀啲對白去做戲，跟住已經可以走，基本上唔會有身體接觸，最重要嘅事係喺任何情況下，如果覺得感覺唔舒服，係可以say no同提早離開。」最後陳淑莊說：「我哋希望藉着今次個live，希望各位受害人，無論係男抑或女，如果經歷過一啲唔開心嘅事，搵啲信得過嘅人傾咗，再搵啲專業人士去協助。」