日本艷星加藤紗里一向多是非，佢亮相噚日播出節目，被發現將貓仔放入手袋帶到錄影現場，即被鬧爆虐畜。

該節目要選出遲到大王，加藤紗里遲到咗1小時53分鐘先施施然現身，於遲到王選舉排第2，佢仲從手袋拎貓咪一齊上鏡。

片段一出加藤紗里即被網民狂轟，鬧爆佢將貓仔當公仔拎出街行為不當，因為貓可能難以適應人多環境會嚇親，加上加藤紗里將貓咪放喺手袋入面，貓仔如果突然喺袋走出嚟就會造成危險，網民鬧加藤紗里冇常識，又話貓仔好可憐。而事實上，貓仔喺錄影期間就曾經突然間走咗出嚟，好彩工作人員及時捉住。