華人馬房今午（2日）在沙田馬場，由頭場開始贏到無停手，包括於第八場三班泥地一哩，由蘇偉賢馬房爆半冷勝出「恆駿寶駒」，單Win及組合獨贏A3分別派96及25元。

「恆駿寶駒」鞍上人潘頓是臨時取代原定騎師賴維銘出賽，潘頓冷手執個熱煎堆，這匹七歲忠心馬沿途留住跑，末段從中叠後發先至，殺上甚勁，贏一個馬位。

除了「恆駿寶駒」，潘頓連同沈集成馬房一對頭馬第二場「最合拍」及第五場「快樂旅遊」，個人未完場已中三元，同時領先騎師王進入最尾兩場。

賴維銘早於第六場起已因身體不適退下火線，餘下場次座騎全數換人，「恆駿寶駒」剛好是當中最後一匹，結果在潘頓胯下取得本身季內第二捷，亦是牠在港第七Win，累積48戰7冠8亞2季，成績突出，且是馬兒本身首勝泥地賽。

第八場二至四名順序為「冰糖葫蘆」、「中華之光」及「佳運來」。