當年今日
關於我們
隔牆有耳:齊心籌款保釣 唔分左右 - 李八方
蘋果日報 2011/06/18 00:00
保釣行動委員會成立40周年,噚晚喺旺角倫敦酒樓筵開幾十圍籌款,成員阿牛喺現場掛起「寧失千金,莫失寸土」banner,向一班志同道合好友揼心口。其中疑似特首候選人梁振英捐咗幅印刷版《清明上河圖》,籌到33,000元,范太捐咗幅線繡風景畫,籌到15,000元。立法會主席曾鈺成則寫咗幅「常懷伏虎志,誓保釣魚台,保釣一條心,無分左中右」書法,由新民黨史泰祖用22,000元投得。
劉夢熊捐100萬
全場最豪氣嘅,一定係長期撐保釣嘅政協劉夢熊,佢冇舉手競投,只係簽咗張100萬元支票。噚晚仲有唔少政界名人撐保釣,例如民主之父馬丁,就捐出親筆簽名車路士波衫,民主女神余若薇亦捐咗幅墨寶,撐保釣真係無分左中右。