盧覓雪噚晚出席演藝學院舉行嘅《瓷魂》首映，黃秋生前排暗示契女梁洛施復出幕前，身為Isabella發言人嘅盧覓雪，喺活動度俾人追問呢件事，佢話：「如果你哋要求證嘅話，要問番契爺喇，呢啲嘢係佢講0架嘛，我自己冇資料補充，我只係Isabella嘅發言人。」

盧覓雪再跟住話：「佢冇退出過就冇復出，我冇特別嘢為呢件事補充，總之佢想做乜嘢就做乜嘢，反正佢仲後生，有大把時間。不過佢0依家忙緊搞啲小朋友讀幼稚園，所以會有少少忙。」至於目前Isabella喺邊度生活，佢就話呢啲唔重要。