當年今日

【旅遊心得】聖誕飛紐約平兩成 識揀一定唔住酒店

蘋果日報 2016/12/08 00:00


旅遊格價平台Kayak早前公布數據,指在旺季於聖誕期間飛紐約,機票竟然比平日平21%。立即格價,發現即買聖誕機票,直航國泰也不過是$7,733,最諷刺是同一日子坐國泰飛東京,竟然要$7,748。
雖然機票平,但紐約出名酒店貴,根據Hotels.com的Hotel Price Index調查,平均每晚US$275(約HK$1,969),好乸利。記者十一月初到紐約出差,撞正一年一度的馬拉松和總統大選,酒店貴到發神經,要慳錢唯有租屋一途。一輪格價過後,發現雖然airbnb名氣高,但選擇和介面都是Expedia旗下的HomeAway更勝一籌。比較同一日子,Homeaway上的租盤數量比Airbnb至少多一倍,而且搜尋後進行篩選,可以按價值平至貴排序,方便窮L如我一眼標出最平選擇,但airbnb就只能縮窄價錢範圍,但租盤顯示排序沒有規律,不太方便。

這是記者首次用HomeAway訂房,流程和airbnb基本上相同,入住過程順利,撞正大選都可以$2,000晚價錢租四人住的一房一廳近400呎單位,鄰近帝國大廈和中央車站,地點幾方便,最估唔到係廚房有齊電飯煲、多士爐等煮食器具,想慳錢簡單煮個快飯都得。唯一不適應的是大樓採用中央暖氣,無得調校溫度和風速,有點翳焗,好彩屋主送上風扇,問題迎刃而解。

記者:陶思敏
拍攝:潘志恆
empty
廚房乾淨企理,微波爐和雪櫃都準備妥當。
empty
我租住的單位是一房一廳間格,但屋主將廳變埋睡房,可以住四人。
empty
屋內只得一個浴室,但空間光猛,而且最重要夠乾爽。
empty
大廈有電梯,在韓國街旁邊,轉個彎就有地鐵站。
empty
竟然連電飯煲都有,真係估你唔到。
empty
HomeAway有價格低至高排列選項,慳番唔少時間,好緊要。