當年今日
關於我們

【消委會】食維他命病少啲?女士稱要按體質:唔瘋狂食應冇大問題

蘋果日報 2018/09/18 15:19

消委會維他命

不少市民都有食維他命的習慣,消委會檢視市面76款綜合或單一維他命補充劑樣本,發現9款樣本的建議食用分量,超出或相等於中國營養學會的每天可耐受最高攝入量,消委會指維他命不可醫病、不是藥物。從事保險的陳小姐表示,自己身體不是太好,常常生病,經朋友介紹購買維他命B群,「朋友介紹畀的話B群會少病啲,但食咗一排就冇食啦,不過成日都唔記得食啫」,認為只要不是瘋狂服食或服食量太多,應該問題不大,又指維他命的樽上有指引。
從事音樂行業的陳小姐指,平時有服食維他命C和B雜,「但唔會成日食嘅,知道食得多唔好,係個排傷風感冒多咪食維他命C囉」。她稱,服食維他命的份量不應太多,「你個人咁細粒同人哋咁大隻,食嘅劑量一定唔同,我諗你食半粒咁樣」,又指自己會調節服食份量,最重要都是均衡飲食。
她認為,本港現時監管保健產品的規例已經足夠,但市民需加多意識,避免過份依賴維他命。
任職姑娘的徐女士表示,服用補充劑與否是需根據自己身體、身高和體重等決定。她有服食補充鈣質和眼睛的保健產品,「人哋食3粒,但我就食1粒或2粒,自己要衡量」。她又指,「醫生從來唔希望你食補充劑」,但她個人認為補充劑有助自己健康,又指自己有需要,亦會計算份量。
從事投資行業、懷孕中的王女士表示,自己沒有服食葉酸和其他補充劑。她指,醫生並沒有要求服食葉酸或額外補充,認為飲食均衡最重要,「都係食啲天然食物,都係肉呀菜呀,最多都係飲下奶、補下鈣」,盡量從食物吸收營養。對於消委會指,孕婦攝過量葉酸或令嬰兒自閉後,她稱會擔憂,亦會與同樣懷孕的朋友了解。
empty
陳小姐指平時有服食維他命C和B雜,但只會在有傷風感冒時才多吃維他命C。 陳善南攝
empty
易仰民攝