鄺美雲（Cally）今日帶埋3隻寶貝比熊犬Cash、Euro同Bank，一齊到元朗牛潭尾出席「全港第一屆狗狗節之比熊派對」，有份主辦嘅Cally話今日總共有超過200隻狗狗參與，而活動收益就會撥捐動物機構。

講到日前Cally事隔多年再踏紅館，為李克勤演唱會任嘉賓（新聞連結： http://bit.ly/2gSN1Cz ），得到唔少觀眾大讚表現同唱功寶刀未老，問到Cally事前準備咗幾耐？佢話：「都唔係呀，淨係下晝綵排咗一次，見到克勤係好開心嘅。」

Cally講到自己即將推出嘅Hi-Fi碟，佢話已經錄完，o依家喺德國印緊：「本來計畫10月底出，但因為佢哋想我做啲宣傳訪問，或者有機會延遲到12月先，因為仲有唔少珠寶生意要處理。」