勵晶(575)有得諗。勵晶最新揸嘅現金連高流動性資產,總值近4.3億(港元.下同),完全無負債,相當每股0.11元,係現價0.27元嘅40%,已經好吸引。而隨着集團就出售准東煤炭項目一事,總代價5.2億元,順順利利係下個月前搞掂,勵晶銀彈庫進一步充裕,肯定成為現金牛企業。
而勵晶最新NAV每股0.45元,現價折讓近40%,資源股當中,呢個折讓水位,算係唔錯。勵晶2010年半年度蝕咗近1177萬元,但集團呢期剛公佈,實現投資變現,減持澳洲焦炭商Bathurst部份股份,獲利上5800萬元。照計,全年度已經可以穩賺。
呢期所見,細價資源股異動,短炒勵晶,博翻半番到0.4元,都未上到NAV水位。