AnaR.及前亞視藝員李明憲,今日喺觀塘出席美容產品活動,AnaR.表示正積極造人,佢話不設防準備小生命來臨:「從小學習的避孕方法全都拋諸腦後,感覺有點奇怪,現在有做瑜伽及看中醫調理。」
咁有冇準備性感睡衣增添情趣?佢話:「婚後一個月已經沒有了,性感睡衣、燭光晚餐統統都沒有了。」AnaR.表示如有BB的話,會減少工作,但唔會退出模界,佢笑言雖然老公Brad唔想佢繼續工作,但自己唔能夠做全職媽媽。
另外,前亞視藝員李明憲為活動擔任司儀,佢暗指亞視高層講大話,盲撐王征:「睇新聞見到有高層話嗰個人唔係咁嘅人,但係佢同我係一齊目擊件事。」