《蘋果》讀者潘小姐憶述，較早前途經調景嶺地鐵站內的零食店「零食物語」，見一向售價每盒十六元的明治杏仁朱古力，以每盒十二元特價出售。由於她與一眾同事也十分愛吃這牌子朱古力，故「一口氣」買下十盒，將八盒分贈同事，兩盒帶返家「慢慢歎」。
原應是啡色變奶白色
當晚，她於臨睡前進食那盒杏仁朱古力，當時已感味道稍為怪異，有少少「億」味，由於她並沒開燈，故沒察看到朱古力是否有問題，未加理會便入睡。
她說，次日出現嘔吐及肚瀉現象，她打開那盒杏仁朱古力察看，發現朱古力由原本啡色變成奶白色，部份更呈「一撻撻啡白色」及有「億」味。她以為是過期食品，翻看盒底的食用限期，見盒底機印着「賞味期限12.12.2004」，距食用限期尚有三個月。
潘小姐稱，分贈同事的八盒杏仁朱古力，同事拆開六盒，發現當中兩盒也如她家中那盒般，朱古力變色變味。有同事更稱，部份朱古力內發現小蟲，令人嘔心。
「我就係大家都鍾意食，而且又做特價，比平時平四蚊，咪一次過買十盒，跟同事分享，點知反而好似累咗大家咁。」她隨即向食環署反映，並將朱古力送交食環署化驗。
「我本來好鍾意食呢隻朱古力，今次買嗰啲，顏色同氣味都好古怪，食完重又屙又嘔，搞到我以後唔敢再食！」