農曆新年假期也是內地遊客來港遊覽的高峯期，據估計，有近八萬內地客來港，佢哋除了觀光外，自然是以購物為主，其中金舖當然是受惠者之一。八方噚日上午十一點幾行經觀塘物華街的謝瑞麟珠寶分行時，入面人頭湧湧，絕大部分是遊客。
不過，八方覺得最好奇的是站在門口、身穿中式短打唐裝、忙於招呼來賓的知客，因為他有點面善，想了一會才醒起他便是謝瑞麟金行的創辦人謝瑞麟。謝生因個人財務問題於去年被頒令破產，也辭任公司董事職，只保留顧問一職。八方即趨前問謝生為何在年初一也咁勤力，要到分行招呼客人，佢就話「冇街去！咪嚟睇吓囉」，又同八方講「有時間可以傾吓偈」。謝生果然能屈能伸，可惜八方有事趕住走，否則一定同佢研究「破產後如何發圍」妙法。


E-mail：[email protected]