蔡約翰馬房今戰有多匹實力馬，剛在上次泥地賽以半冷身分勝出的「信眼光」又再上陣，希望打鐵趁熱爭取連捷。馬房手足堅稱，此駒上周贏馬後體力仍充沛，火氣未見低落，今次同場無太多快馬，仍有機會搶先領放，對手要追越牠非易事，來料話再贏。
另外，賀賢馬房的「行政指令」上仗出爭泥地1200米後上爭入一席第二，乃來港後表現最好一次，馬房手足話上仗羅理雅應記首功，因為當時「行政指令」之狀態只屬初起而已，僅得七分水準，能交出甚佳追勁，力逼頭馬「好老友」，乃羅理雅努力得來成果。「行政指令」拼後狀態冒升，肌肉收實，情緒穩定，馬房有好大期望，今次報跑泥地1800米，才是合適途程，抽得二檔好位，形勢十分有利，仍交羅理雅執韁，有力打開勝門。