韓國男星周元早前跟金泰希合作主演韓劇《龍八夷》，二人於劇中有多場咀戲，而周元就回應：「我已經喺呢方面駕輕就熟。」咁大口氣，唔怕金泰希「正印」Rain嬲豬？

周元今日下晝演出電台節目《兩點出逃CultwoShow》，主持人就提到周元跟金泰希於《龍八夷》中嘅吻戲，周元即笑說：「呢部電視劇嘅吻戲非常重要，就連好多粉絲都紛紛表示因為劇中出現無數吻戲，我已經喺呢方面駕輕就熟。由於劇中每場吻戲都唔同，我哋仲專門為咗拍出唔同嘅吻戲而苦惱。」口氣非常大，即時引起主持爆笑，不過就唔知Rain聽完之後點諗啦。

另外，由Rain同宋慧喬主演嘅韓國經典劇《浪漫滿屋》之前已被翻拍成內地版同泰國版，今次就輪到美國版，不過暫時未知幾時開拍同播出。