講到黑仔嘅馬，相信唔少人都會諗到「信是有緣」。呢匹姚本輝馬房嘅四班馬，係前馬王「蓮華生輝」嘅同主馬。大膽講句，「信是有緣」嘅質素應該就冇「蓮華生輝」咁高，而運氣亦肯定差過呢匹前馬王。其實「信是有緣」一出已跑第二，表現唔差，但之後就開始咗佢嘅黑仔生涯，佢試過喺直路差啲墮馬、又試過喺直路冇位、亦都試過出閘起擒而大慢閘。周日賽事，呢匹上仗喺田草1200米跑第三嘅馬會再戰同程，而今次就會排12檔，應該唔會塞車啦卦！而騎師方面，將再配上場跑入位的騎師郭能。郭能就話啦，「信是有緣」之前的慢閘毛病不再復見，相信硬拼過一場後，將有助提升狀態，今次再跑同程，對手不算太強，只要際遇順利，有望在此贏馬補中。