黃秋生及電影《淪落人》的導演陳小娟，今日去到九龍灣出席由火火及劉偉恆主持的 ViuTV節目《晚吹-close噏》訪問。秋生表示，自媽咪離世之後，可能感到壓力大，而全身患上濕疹，秋生說：「睇完醫生控制咗情況，而家唔去阿媽度冇咁大壓力。」
提名今屆金像影帝的秋生，被問到是否等攞獎，秋生說：「邊度有咁牙擦，劉青雲有一年唔大熱都滑鐵爐，我唔敢講。」

秋生忐忑到時是否出席金像獎，他說：「去到一係瞓覺，一係就唔去，如果攞獎到時尷尬唔知講乜，講完嘢又畀人剪咗，如果係攞不如叫古天樂幫我代領，佢講乜都有人拍手。」秋生透露隨後會與林海峰有合作，對於是否棟篤笑型式，秋生說：「佢到時叫我做乜就做乜。」秋生表示最近沒接戲，他否認自己收得貴，秋生說：「所以反映香港情況幾嚴峻。」

秋生協助新導演陳小娟完成拍攝， 認為回報比他預計還要多，秋生說：「好似中咗三次六合彩，除咗全個劇組，成齣戲都好有運。」

《蘋果動新聞》訂閱新世代，4月開始免費訂閱，現在接受登記！
http://bit.ly/2Ja3IXw
-----------------------------
星期一至五晚上10點半
《動腦Q》Let's Q the money！
http://bit.ly/2QW8LcI