【新增影片】
英超球隊熱刺嘅白鹿徑主場，宜家正進行重建工程，預算下季就可以啟用；熱刺亦陸續公佈新主場嘅設計，其中最巴閉可算係球場草地設計，擁有兩塊分別係英式足球同美式足球嘅草地，因應唔同功用，可以利用滑軌將成塊草地收起，換另一塊草地，整個過程仲只需要25分鐘。

熱刺預期新主場啟用後，一年至少舉辦場2場NFL，新設計可以避免踢完美式足球後，會令草地嚴重損毀，無法進行英式足球比賽。