事隔大半年，恒生指數重上三萬點，之前的利淡因素就似消失得無影無蹤，連同之前大叫「恒指跌到四位數」、「Cash is King」的末日專家一同失蹤。之前市場氣氛差，股民無希望自然要搵心靈寄託，自然要搵「末日博士」安慰一下，末日宗教應運而生。不過，投資講賺錢，沉迷逃避現實，只會錯失機會令自己輸得更多。

我不是在馬後砲，我早在上年11月1日寫了《末日主義得啖笑》，當時恒指仍在25,000點附近。作出這個結論並不是因為什麼獨特分析，我只不過係相信市場力量、人類會向前進步，要我押注的話，我一定賭市場長遠向上升。很多人不明白睇淡指數其實是在賭社會退步、通縮，長遠而言機會極細（但個股係可以長線睇淡，因為總有公司破產），否則人類一早絕種。所以造淡這種策略長線贏面並不高，猶其是造淡很多時都是靠衍生工具，結果就更易輸甩褲。

不過買熊、沽恒指這些高風險動作不是人人受落，結果坊間出現變種沽空策略「Cash is King」，受不少人愛戴。其實，揸現金都是賭市場向下，期望現金購買力提升。揸現金看似冇風險，但唯一贏的機會就只有通縮，除左沙士個幾年，大家見香港有邊一年係通縮？再者，全球印銀紙、溫和通漲亦係政策目標，令揸現金贏的機會更低。我不是叫大家全倉股票，保留部分現金捕捉市場機會係必須，不過如果全部揸現金的話，就一定係最無風險的輸錢方法。

神仙丁
http://fb.com/AuditSlave/
-----------------------------
動腦Q金像獎周
4月8日-12日 10:30PM
Let's Q the money！Action！
https://hk.adai.ly/zpCd06PPwV