ViuTV節目《入住請敲門4》昨晚首播，不少觀眾期待新一輯的來臨，4位主持人莫竣名、林婷、MIRROR成員Anson Lo和Stanley在節目開始前，他們石澳探靈兼共齊齊睇直播，在第一集，MCM（莫竣名）、林婷和Anson Lo打頭陣，靈探日本出名「猛」的京都溫泉酒店，因為這間酒店過往曾經學生組團玩「試膽大會」，於是他們在深夜時份，去到酒店的宴會廳靈探。

當他們三人執行第三個任務，在拖手期間，林婷突然一臉驚慌地撲向Anson Lo身上並說：「我聽到好大聲呀，有嘢喺我耳邊，好大聲，真係好大聲。」Anson Lo捉實林婷的手說：「我只係聽到滴滴答答，你定啲先，佢講咗啲乜嘢？」嚇到呆了的林婷説：「拖完未呀？不如走喇！」過了一會她才說：「啱啱真係嚇死我，我聽到有一把聲『吼』！」正當他們三人準備離開，又突然聽到聲，而畫面上又寫了「黑影縮番去枱後面」，事後有網民留言表示看到黑影：「呢集真係拍得好好睇，睇住團黑影撲落林婷度，其實係唔歡迎佢哋，想快啲走！」事實上連同行的攝影師與MCM探靈時，多次表示聽到聲音和覺得不舒服，而不希望再行，最後MCM亦覺得有點不舒服，決定離開。

林婷在facebook直播上，提到這一幕，她說：「嗰一刻真係呆咗，聽到好大聲『吼』，真係唔知畀乜嘢反應，事後有工作人員同我講番，嗰陣係有個人企咗喺我隔離。」Anson Lo今日《蘋果》訪問說：「當刻真係畀林婷嚇親，嗰下係聽唔到林婷講嘅嘢，我哋反而係畀佢嘅動作嚇親多過畀隻鬼，不過林婷越講越驚，而且仲見到佢喊，feel到好似瀨嘢，所以咪話不如走喇，拍到幾多得幾多！」

-----------------------------
《2019高級珠寶鑑賞誌》
點擊即睇過百款鑽飾名錶
-----------------------------
【匿名港警爆大鑊】
韓國KBS時事節目《時事直擊：香港 被自殺》
一按即睇